Loading ...
天有不測之風雲 - 博益停業
早晌大約八九月「低能1」大賣時……
災難小姐：「我好驚收唔到錢，會唔會到三月要收錢時，間出版社會摺埋架？」
VIVI：「哇，人地十幾年老字號，咁耐唔摺係要等簽到你先黎摺，咁你好勁啦~」
Well,呢d係咪叫好０既唔靈醜０既靈?
其實早兩日收到消息的，
不過我今日先得到正式的答覆。
唉……
所有「低能１」同「低能2」賣晒之後就唔會再印，
亦都唔會賣返版權俾作者，
即係話本書會變成絕版。
呢d咪叫經典囉，
好日唔出書，係就係好賣，但轉頭又即刻變身成絕版書，
呢鑊我至勁啦~
仲唔係 I am a Legend~~~~
其實據知博益係有錢賺的，
只不過母公司南華早報決定要停業…..
唉…..
我唔知叫好彩定唔好彩，
我同博益簽落的兩本書都成功面世，
本來，我原本係話等結完婚先出第二本的……
我唔太擔心我之後０既路，
我相信我應該可以搵到容身之地（咁要多得有你地大家撐我~鞠躬~)，
可憐０既係成班編輯們同其他員工，
無聲無息咁突然新年前接大信封，
星期二收信，今日就要走，
我諗起葉劉選舉時的一句口號 - 「良心人人有」，
講笑咩，至少大把老板係冇。
博益俾我感覺係員工間相處得好融洽，
仲成日聽到佢地公司有定期的大食會，好開心的。
所以我好鐘意同佢地合作，
因為一本開心０既書係應該由一班開心(同低能）的人去完成。
負責人話我最擔心０既版稅係唔會有問題，一定會照出，
但我作為災難小姐，一日未收到錢，我絕對係一日都會擔心的。
除左擔心，仲好嬲同好忟。
不暪大家，
「低能１」才剛剛加印至第七版，全數己經印至18000本……
「低能２」更係只推出左一個月就己經印至13000本，
你問我，我絕對覺得佢地仲可以繼續賣落去的，
只可惜因為出版社停業，
我又唔可以拎返版權去第二度印，
就咁就要睇住佢絕版……好唔甘心~!
擒晚收到一篇邀約訪問的email，
記者話我知，「低能２」己上到商務書榜０既榜首，
唉，呢鑊真係百般知味在心頭~~
唔駛擔心我呀，我係有唔開心，但其實都冇咩野，ok的，（最關心係有冇錢！）
反正好事與壞事從來都在我人生中穿插，
正所謂，食幾多著幾多整定０既，
太幸福太順境我反而會覺得不安(我都話我係災難小姐囉….)，
人生嘛，從來都是充滿驚與喜，
一個成功人仕，係點都要有d經典事點綴下~~ hahahaha U v U
我會成日都記住，賽翁得馬，焉知非禍；賽翁失馬，焉知非福~
Well~~This is L-I-F-E!!!!!
編輯們，好高興能夠同你地合作，
希望你地快d搵到工，
都希望我地將來再有機會合作，
可以寫住「原班人馬，再度出擊」~(幾型! hahaha)
小馬！！！加油！！！
January 25th, 2008 at 11:49 am
小馬,
咁大件事，唔好唔開心，我相信一定有我地一大班人支持你。好快又有新既出版社會搵你，別擔心!
最緊要睇下點先有錢收，同埋開開心心搞好你地既婚禮。
無限支持你。放心!!!!
January 25th, 2008 at 11:49 am
下？有無搞錯呀！
班員工好慘喎……
大家快d買書喇咁，好快會成為絕版。
January 25th, 2008 at 11:52 am
點解唔可以羅番板權，佢都摺囉。
有無得爭收下？
January 25th, 2008 at 11:54 am
佢係都唔賣俾你，你奈佢何？
January 25th, 2008 at 11:56 am
吓..點解咁突然嫁..好唔開心tim..重打算等你出低能1.2.3.4.5嫁嘛…唉..
January 25th, 2008 at 11:57 am
哇……咁大煲,不過唔緊要啦,人生就係咁,要經歷下呢d野,d記者先多d野寫架嘛,可能好快有第二間出版社搵你呢….唔好擔心
January 25th, 2008 at 11:58 am
馬仔!! 真係有好多 fan會支持你架!! 而家最緊要攪掂個婚禮先, 做個靚新娘!!
January 25th, 2008 at 12:04 pm
奶野~~
我想買番自己個肖像… 佢可吾可以仲個賣~~~
January 25th, 2008 at 12:07 pm
馬仔, 你真係好近, legend喎, 真係唔講得笑~~
But anyway, 我地呢班忠實擁dum, 一定會好豬持你架, 呢d野嬲一兩日好喇, 千其唔好比佢影響你做靚靚新娘子ge好心情, 知冇!!!
向度再次恭喜你! (^.^)
January 25th, 2008 at 12:14 pm
小馬加油呀!好多讀書都會支持你的。
January 25th, 2008 at 12:16 pm
to馬弟，咪癲，冇人要keep你個把鬼”俏”像……
January 25th, 2008 at 12:18 pm
吓,低能2做左絕版噤威!! 我仲想買黎睇喎, 今日去睇下仲有無先
January 25th, 2008 at 12:23 pm
小馬,好突然呀!!好明白你心情,希望你快d開心返,準備做開心靚新娘!
我有d擔心你收錢果道有無問題,如果你收返晒記住話聲我地知.
除左錢其實呢兩本書係你心血,而家唔可以再出真係好唔抵……
我會好好珍藏呢兩本書架喇,相信好快會有其他出版社要同你出書,下次唔會再咁黑架喇!!!
January 25th, 2008 at 12:24 pm
咁先証明你係值錢… 抵番晒
January 25th, 2008 at 12:29 pm
根據我有限的常理同邏輯想一問~
如果博益俾唔到錢妳,即係未能完成合約.
佢哋可能已經係毀約.妳咪可以拎去其他出版社印囉~~
??
January 25th, 2008 at 12:34 pm
Andy, nonono,佢冇話唔俾錢我呀，己賣左個d版稅 (即大家估俾我地０既人情）係會有架，不過要等多陣先會出俾我…..
January 25th, 2008 at 12:43 pm
小馬, you have fans from all classes and fields. If you need any help, you simply post it. All your fans will definitely support you, not just in HK but also overseas.
Again, we wish you a happy marriage. Just don’t let unhappy thing (occasonal only) ruin your wedding mood.
January 25th, 2008 at 12:50 pm
吓,O禁突然…博EGG 真係好大有規模…唔驚收唔到錢,大老細係SCMP. 如果唔係,你有o禁多粉絲,一人一句嘈到佢俾law.
人生仲有”黑色”部份,退一步想,”黑”錢財部份好過”黑”其他,我估你一定識”淋”架啦, 因為你有”低能之道”ma……haha
January 25th, 2008 at 12:51 pm
馬仔你嚇死我啦….
我唔擔心之後我地冇得睇你ge書呀…
因為一定有其他人會幫你出~
我只係擔心你ge $$同版權問題…
嗚嗚嗚
January 25th, 2008 at 12:52 pm
其實佢唔會再出, 咁keep住你個版權又唔俾返你, 為乜?
如果佢第時再出書, 唔係用博益個名出, 你會唔會有版稅收返?
你真係快d去註冊左你個trademark穩陣d!
anyway, 撐你forever!
January 25th, 2008 at 1:02 pm
人生就係咁, 好多野都估佢唔到。不過, 所有o既困難都係磨練,唔好灰心啊!!
馬仔&各位編輯,
低能1&2, 真係做得好好,好有heart,睇完令人好開心。
我會好好保存已經絕版o既低能1&2,非常期待3,4,5,6,7…可以快啲出世…
話時話, 啲老板真係冇良心, 完全唔諗下啲員工對公司o既付出、努力同貢獻,冇品!! @_@
January 25th, 2008 at 1:06 pm
小馬,
咁大件事，唔好唔開心，我相信一定有我地一大班人支持你^^
我星期一已經買了絕版[1]、[2]啦
SUKI
January 25th, 2008 at 1:06 pm
我永遠支持您，加油~~~~~~
January 25th, 2008 at 1:25 pm
I and my family (all of us are your fans) must support you!
*\(^o^)/*
January 25th, 2008 at 1:28 pm
我無諗過自己會擁有絕版書呀…
好彩我每次都第一時間去買,
但係咁樣就摺埋真係好可惜呀~~
馬仔,希望你可以快d泊到個好碼頭,
再出書,為大家帶黎歡樂啦~~~~加~~~油~~~~
January 25th, 2008 at 1:37 pm
原來係堅料嚟…>.
January 25th, 2008 at 1:52 pm
馬仔，留得青山在，那怕冇柴燒
我買左本《低能1》之後，知道你個BLOG，睇到你係一個好樂觀嘅人
《低能1》同埋《低能2》，我都成日係學校睇，D同學都成日叫我借俾佢（盡管他們只是一班小學生，包括我）
證明左你D漫畫係有market嘅
有market，你洗驚冇人搵你？
放心啦，有我地支持你，實會冇問題嘅
開開心心做小圓太太啦^^
祝：白頭到老，永結同心
（如有講錯，多多原諒）
January 25th, 2008 at 1:53 pm
小馬你有料嘛,
所以咪唔駛擔心前路!!=]
January 25th, 2008 at 1:59 pm
你兩本書我都有買, 真係超好睇, 好好好好好鍾意…
依家個天只不過俾個”挑戰”你o者…濕濕碎喇…
加油呀!
January 25th, 2008 at 2:05 pm
scmp真係冇良心..
唔俾作者買返個版權
迫d讀者去買晒d絕版書 幫佢掃晒d貨
January 25th, 2008 at 2:07 pm
唔駛灰心,你咁多fans, 一定個個都會撐你架
January 25th, 2008 at 2:10 pm
唔好唔開心..就快做新娘…精神D (伸直條腰)..放十萬個心..如你收唔到錢.我地會快閃到曾特首門口還你公道…我o地會支持你 (笑吓啦^p^)…唔洗做等老公養
January 25th, 2008 at 2:13 pm
小馬只擁有”我的低能之道1&2″的著作權(即係可以改版加減新野);而出版社就擁有那兩本書仔的出版權,所以小馬係唔可以係其他地方出版”我的低能之道1&2″囉！但唔緊要喇，小馬的實力有目共睹，相信對好多大的出版社，對我地黎講，博益執o左反而係好事（大前題當然係收到版稅喇！），因為有更多更大的出版社可以斟小馬同佢地出”我的低能之道”3,4,5……丫嘛，小馬，加油，有我地呢ｄ死忠fans，你放心！一定長做長有啊！
January 25th, 2008 at 2:14 pm
小馬你要振作!妳個俏像真要註冊好喎,免得有不法之徒嘛,ANYWAY遲下再算吧!
新年流流整單咁既case,好慘!!!!!!
To編輯及各員工,希望你地快d搵到頭好人家,繼續發揮所長!
January 25th, 2008 at 2:26 pm
第一次留言
wa..馬仔,你今次真係勁lo
一出書就攪到人地摺埋左
本書仲要成為絕版
真係後悔無買多幾本,之彼拎去ebay度抄XD
by the way, take it easy
可能好事就快黎 :)
January 25th, 2008 at 2:41 pm
樓上, 我都係冇諗過會買到絕版書
我覺得我地好勁啊, 果本唔單止係絕版書, 仲係有簽名的絕版書, 勁
雖然有點可惜, 不過也是一種經歷, 唔係人人都會經歷得到, 唔知係咪一個紀錄呢?? 就係最快出書, 最快絕版, 哈哈哈 ~~~~~
好快就會有人羅出黎抄架啦…
January 25th, 2008 at 2:42 pm
你有冇問下律師意見? 定還是你簽約時有條文?
係咪真係唔可以比第二間再印你可以問律師wor, 你始終係作者ma!
自己辛辛苦苦o既作品, 你試下爭取吖!!!
唉! 我覺得好唔抵!
呢兩本書我都唔捨得再借比人喇…
January 25th, 2008 at 2:43 pm
吓..咁慘啦.可憐一班工作人員咁辛苦,一做咗都有三十幾年啦..我只記得有一本牛仔漫畫,都是由博益出版的,直到今時今日,這間出版社竟然停業. 所有漫畫書巳經絕版了…..
小馬,你一定要加油啦.. 可能好快有第二間出版社搵你啦.. 你不必擔心..
加油加油加油加油加油加油加油加油加油加油加油加油加油加油加油加油加油加油加油加油加油加油加油加油加油加油加油加油加油加油加油加油加油加油加油加油加油…..小馬
January 25th, 2008 at 2:44 pm
馬仔﹗加油呀﹗雖然益記無o左﹗但係我o地仍然期待您東山再起﹗等『低能345』o既出現﹗
January 25th, 2008 at 2:45 pm
小馬, 我都忍唔住要留言俾你(第一次留言),我覺得你可以問下的法律人士的意見,
冇理由作者冇得話事,本書係你自己一番心血寫出來, 真係的辛苦$來家, 冇理由咁樣就絕左版家~加油找下其他的途徑去爭取應有的報酬,是合理的!!~
~支持你呀~ 前面轉角一定會有出路的~
January 25th, 2008 at 2:47 pm
喂，『低能345』呢個名好正，hahahahaha….
January 25th, 2008 at 2:58 pm
馬仔~不如你搵個碌師問下發碌意見呀~
咁樣絕版,好唔符合大眾利益嘛(低能菌要努力發播才是正道嘛)
點都好,我實撐你~
就樣真係咁型絕版,
實有出版社爭住同你開低能當道既教材咯
January 25th, 2008 at 2:59 pm
咁咪會炒到好貴囉 ??
好彩我上個月買左
January 25th, 2008 at 3:01 pm
放心放心!有”射”自然香, 一定大把人爭住幫您出書嫁!!
加油加油!
January 25th, 2008 at 3:09 pm
Dear Little Horse
Do you intend to buy the publishing rights back from SCMP? If you do and want to enter into legal arrangements, I might be able to help you in a way or another.Of course, you will need to pay for those rights, and it depends on how much you are willing to pay and whether you would like to start negotiations with SCMP… Let me know if you need anything!
BTW, good luck and all my best wishes for your wedding!
January 25th, 2008 at 3:16 pm
小馬….我都唔知可以講D咩, 只係一路睇, 一路喊,(我係眼淺既人) 傷心係妳既心血 & 天意弄人…..非常希望妳可以收得返D版權費, 當算係不幸中之大幸喇!!
January 25th, 2008 at 3:23 pm
我諗遲下本書可能炒到幾百蚊一本~_~
January 25th, 2008 at 3:24 pm
hey~~唔駛傷心，最緊要佢俾返錢我架咋，真係冇錢收我地先同聲痛哭~~~
大家放心啦，己經有人搵我，我會搵到落腳地架啦…..
January 25th, 2008 at 3:25 pm
幾百蚊一本就唔好買囉，ha, 搵人借好過啦~~~
January 25th, 2008 at 3:26 pm
Christy,多謝你先，真係有需要我會聯絡你，多謝先~
January 25th, 2008 at 3:33 pm
我地一班支持你0既讀者，都唔會俾”低能”就咁就版架，只不過遇”社”不淑唶，一定會搵到另一間幫你出書的。咋油喔
January 25th, 2008 at 3:38 pm
小馬﹕我們會期待妳下一本書的
不管是那家社也好~
加油噢~﹗
就過年﹐過年後又是新一條“好馬”﹗
新年快樂~~
Fighting!! ^______^
January 25th, 2008 at 3:41 pm
馬仔，其實今次就算出版社執咗，我地大家都應該記得佢，因為好大部分人都係因為本書先識馬仔，只係實在估唔到，咁大間出版社居然一下子就收檔，希望你能夠買得返你本書的出版權，起碼以後都有可能再加印。Anyway，無論你本書係邊間出版社出，你的粉絲都一定會支持你的
January 25th, 2008 at 4:28 pm
WELL,有啲似華星摺嗰陣, 佢係唔簽歌星約, keep住哂所有舊歌版權, 靠食老本囉。梅艷芳以前有一次想開演唱會,就係因為華星開天煞價, 買唔起個版權而作罷。
唔好唔記得, 除咗馬仔, 博益都有好多老牌作家, 好似衞斯理, 林燕妮, 收唔到錢, 佢哋仲唔嘈咩! 所以錢應該收到, 只係遲早問題。
但係而家有個仲金嘅問題, 就係佢只係有呢兩本書嘅出版權/還是尚有其他附帶條件呢?(例如:連「我的低能之道」呢個名佢都有版權,日後你要用返都要問過佢呢?)呢啲捉字室嘢, 最好响出下一本書前, 問下律師先。
btw, 似乎人人結婚前,都會有啲杰杰哋嘅事發生。我結婚前一個月,都試過俾人呃咗錢, 不過都係嗰句:蔡翁失馬。條pk俾人拉咗,我自己又搵返好多,遇一單衰嘢, 通常會有十單好嘢唻架啦!
k好個婚禮最緊要~
January 25th, 2008 at 5:12 pm
一直都有睇你個blog, 但都無留過言。
但係咁突然o既事發生想講兩句。
出版社接，佢唔賣返個版權俾你你又真係吹佢唔脹。
而可唔可以用返同一個名出書呢個問題，真係直得問清楚喎。
若然係可以的話，用返同一個名3, 4, 5, 6…..我都好期待!!
結婚前總會有d杰杰地野我認同呀。我結婚前差d家變。都好杰……
馬仔，有咩搞好個婚禮先啦，有排忙呀! 總之fans們係度支持你…..加油做靚新娘!
January 25th, 2008 at 5:17 pm
為左保障自已 都係再睇清楚份合約 或找 葉謝鄧 聽一聽他們意見好
January 25th, 2008 at 5:44 pm
ah?我仲准備係返香港至去買你個兩本”低能之道”…竟然…會發生呢d事.
你會唔會因為你今日個篇blog而賣斷市.?
等到我6月返香港咪買唔到?
可以點做?
January 25th, 2008 at 6:07 pm
死LA!
我仲未買ar Q口Q~~
咁點算ar,,,,,,,
January 25th, 2008 at 6:08 pm
小馬..過左呢度就可以嫁啦!!
一定有大把出版社搵你
人生無常
唔開心咩都有..記住有我們支持你!!
但真係估唔到會咁
January 25th, 2008 at 6:10 pm
大件事啦~
低能1&2變絕版~ 第時d人一定拎返出去炒嫁woo~
我都係要好好保存佢地, 小馬你話我要唔要開個保障箱放好佢地呢?
kakak~
小馬你比心機呀~ 做左絕版唔緊要, 你仲會出 34567….係咪~ 唔好sad 啦~
January 25th, 2008 at 6:15 pm
唉..講真..我次次去到三x都話賣哂第2本..
之前cb果個露天書展又賣哂..
唔通..我真係哩世都買唔到第二本?
January 25th, 2008 at 6:49 pm
Haha…唔洗驚啦
呢兩本叫 “絕版”
你會再整多幾本 我們的低能婚禮, 與低能人相處之道 及 低能馬叢書系列之 xxxxxx篇 再黎過囉
正
上上落落 緊有架啦
冇問題既
January 25th, 2008 at 8:19 pm
咁大件事?!
我兩本簽左名的初板呀~~~
比細佬偷偷地咁拎左去借佢女友,仲未拎回來呀~~~
好擔心呀!!
January 25th, 2008 at 8:20 pm
真係好可惜呀！
唔好唔開心啊..
January 25th, 2008 at 9:04 pm
馬 仔 吾 好 吾 開 針 wo ..
我 都 好 中 意 睇 博 益 D 書 ..
你 吾 講 我 真 係 吾 知 咁 大 件 事 wo =)
博 益 咁 久 都 執 粒 - 33 -“
難 以 估 計 =)
好 彩 我 買 齊 哂 又 比 左 第 二 本 你 簽 名 姐 - 33 -“
就 算 博 益 吾 做 你 都 要 搵 其 它 泥 出 書 丫 > 3
January 25th, 2008 at 9:13 pm
Swan song….真係好可惜呀~
我覺得真係好應該繼續落去
不如小馬你試下搵第二間出版社
睇下對方肯唔肯幫你買版權 再印過?
加油呀! 十萬個支持你!!!~~~
January 25th, 2008 at 9:32 pm
馬仔!我一直都有睇你個blog,但都係笫一次留言,我諗突然遇到d咁既事,個心點都有d唔開心,但係我相信以你既天份加上大家既支持,你既書一定可以一直有3,4,5,….期,帶更多歡樂給大家,你一定一定要加油,同對自己有信心,支持你!
January 25th, 2008 at 9:33 pm
我係第一次係度留言比你.. 我日日返工第一時間都係睇你個Blog，係你出”低能2″的時候，一併買埋”低能1″。兩本書為我全家人都帶黎左一個好開心的聖誕，個個都睇到好開心。
聽到你呢個消息真係好唔開心呀，好擔心你呀。
不過，你的書咁正唔使驚一定好快有第二間公司搵你出書的呀。
加油..加油 .Fighting.. Fighting..
一定會支持你的呀!!
唔好理咁多，收拾心情做開心的小圓太太啦!!
January 25th, 2008 at 9:40 pm
小馬, 睇見你段留言, 我都有d唔開心
這真是一個難忘的經歷……
不過, 你打響個名堂, 係賺到的
January 25th, 2008 at 10:18 pm
加油加油
相信有好多publisher好快會搵你
希望係皇冠啦
到時買書一次過買哂唔使煩^^
support你呀
January 25th, 2008 at 10:31 pm
Don’t worry ai~ i will support ur book ga
January 25th, 2008 at 10:35 pm
加油呀^^
好多人十卜你嫁
冇是o既
應該好快收到$嫁啦^^
January 25th, 2008 at 10:39 pm
Only you have talent, no need to worry.
and from the number of reply in this web. You have already prove it.
Keep it on, i am looking to see your next book.
January 25th, 2008 at 11:01 pm
見到你呢篇entry~ 我即刻走左去買左本~
支持你第3本書=)
January 25th, 2008 at 11:08 pm
馬仔
天將降大任於斯人,必先餓其體膚,勞其根骨.
如果o羅唔番畢錢,我幫你去遊行示威都要收到條數.
你而家先集中精神搞好婚禮,做個靚靚新娘.
January 25th, 2008 at 11:16 pm
唉～ 博益竟然會摺埋 對我黎講都係一個大打擊
家中書櫃大大話話有好多本好書都係來自呢間出版社（小馬個兩本絕版都係）
依家就咁冇左 真係… … 無限唏噓
January 25th, 2008 at 11:26 pm
下! 博益結業，小馬書１＆２成絕辦，唔好呀! 第二版我重未買呀! 明天必買必買，小馬唔好唔開心啦! 我講件開心事俾你知啦! 我係公司
宣傳你個website & 小馬書１＆２，佢地睇完你本書之後，話好好笑，
連人地阿媽都話好好睇，而家你本書係我間公司傳來傳去，不過．．．
我決定左下星期沒收啦! 因為係絕版，我會好好珍藏,期待你的新著作
”我的低能夫婦之道”
January 25th, 2008 at 11:27 pm
點解馬仔你呢排甘黑o家？
先係去客家好棧—激死
而家博益結業
馬仔，你真係好可嘗憐呀…！
January 25th, 2008 at 11:50 pm
What a relieve to know that another publisher had already talked to you. I’m looking forward to your 3rd book! I have the first and second one already. ADD OIL little horse!!
January 26th, 2008 at 12:00 am
我都妳的書既fans~
好彩我托人HK 幫我買咗先..
如果唔係我HK 果陣渣都冇得買!
間出版社突然”摺”咗對作者 , 員ヱ同讀者都好唔ヱ平囉 !
作者仲冇得買返自己既版權添 ,咪即係D創作冇哂?!
員ヱ唔洗講啦,, 佳節前收到咁既”大禮”…
讀者以後都冇得買返D 經典既書冊啦-口-
不過馬仔以後既創作一定揾到第ニ啲出版商既~
即係好快又見到你既新作啦 ^^ =)
January 26th, 2008 at 12:15 am
如果你係一個飯蓋，我願意做你下面嘅一隻死雞!
呵呵呵~~
January 26th, 2008 at 12:27 am
小馬:
我相信終有一日”低能1,2″必會重生,再次在各大書店出現.
“只要有信心,必會再重生”
至於妳的作品版權問題,妳因為是原創者,要取回有關的版權是有方法的,但請用心等代.
January 26th, 2008 at 12:29 am
有冇攪錯ar!點可以話結業就結業,真係冇人性,仲要係新年前……頂~真係好過份!!!!!點可以咁吾負責任!!!!!!死la~我係澳門ga!吾知澳門仲有冇你本書買呢???
January 26th, 2008 at 12:55 am
弊啦, 我未買”低2″, 但搵左好耐書局都唔見有…
會唔會呢一世我都再買唔到架?
January 26th, 2008 at 1:04 am
小馬,吾好氣餒呀,u know what, u’re getting popular!!
期待你的低能之光, 計續發熱發亮, keke~~
always support u, o係到祝你新婚快樂!! ^0^
January 26th, 2008 at 1:17 am
Don’t worry, 小馬! We’ll look forward to your 我的低能之道 3,4,5,6…..
January 26th, 2008 at 1:35 am
編輯們咪好慘,新年前先咁樣,唉~
人地咁掂,一定可以好快搵到野做既
小馬你都唔好唔開心啦
January 26th, 2008 at 2:01 am
我頭先係睇我fd 比我既e貓~~~
先知道博益要摺埋呢個消息……..
我初初以為佢唔知係咪收錯風la……….
點知一上來發覺………
真係好灰啊~~~
不過跟住見到馬仔你話已經有人搵你就知道no worries la~~~
仲可以繼續期待你既新書~~~
XDXDXDXD
Anyway~~~
唔好鬼理佢咁多la~~~
仲有一個月唔夠就係你既婚禮la~~~
Be well prepare about it la~~~
做個靚靚新娘緊要d 嘛~~~ ^^
January 26th, 2008 at 2:04 am
出版社班員工又的確係慘，不過近年市道叫做好返啲，希望早日搵到工啦！
至於你啦喎，一啲都無擔心，既然本書已去到榜首，你等收電話CALL你去簽約啦！
留馬仔！勁呀！^.^
January 26th, 2008 at 2:12 am
博益執笠?????
我地依然熱切期待你的第三本低能書架!!!
January 26th, 2008 at 2:24 am
知道會絕版, 昨天已經即刻買番…..
沒錯, 那班人是沒有社會承擔…. 任由佳作長埋黃土之下…
January 26th, 2008 at 2:57 am
馬仔~我估版權既事唔會就咁石沉大海既,遲D個集團應該會拆開D版權同其他野成舊賣出去,佢而家keep起可能望第日賣個好價錢…
雖然而家都係似孤兒仔等俾人收養,但我相信你個兩本書唔會從此消失既,唔使驚!
加油呀~
January 26th, 2008 at 3:02 am
我想現在不只是小馬的問題，
好多作家都有影響，
佢仲話賣唔哂果d書會銷毀，
喂，呢個好大問題喎，
好似小馬咁，d作者咁辛苦嘔本心血出黎，
你同我銷哂佢?係唔係有病呀?
博益同好多人出過書，
佢又唔賣返版權出黎，仲要銷毀d餘貨，
d書咪成絕版，
嘩!我覺得好似交化大革命囉，
下一代想睇小馬既書，去邊搵呀?
真係嬲scmp咁做!!!!!!!!!!!!!!!!!!!!!!!!!!!
抗議!!!!
January 26th, 2008 at 3:08 am
damn…I have not purchased the magbook 2 yet!!! Cheer up mag…u are getting married soon…maybe that can 冲喜…no sweat
January 26th, 2008 at 3:38 am
ahhhhhh!!! i’m not going back to hong kong till march..and i still haven’t purchased the book yet!!!! so worried :(
January 26th, 2008 at 5:23 am
真係………好可惜
T_T…依兩本書可能會喺網上炒賣!
January 26th, 2008 at 7:09 am
馬仔：
你問下你D律師朋友
可唔可以用「新曲+精選」的形式(你應該明我講乜?)
讓另一出版社出版？
等想擁有你的書的人可以擁啊！
我都無左本第一期啊！因為送左俾人@@”
當時未有貨，未得閒補返>”
January 26th, 2008 at 7:38 am
小馬，終於明白(碌街中)&(努力中)兩隻公仔的意思了！
到左呢個時候，最大問題都唔係錢，而係2個親生仔俾人禁固左拱樣囉！
好淒涼呀 @_@
小馬下次一定要泊個超級大碼頭呀！
ps︰唔好太激氣，要做個靚靚新娘！祝福妳！
January 26th, 2008 at 7:47 am
好彩我老公上2個禮拜係香港返黎溫哥華個陣幫我買左”低能2″咋,佢仲同我呻話個2日撲左好多間書局先至買到咋,真係”手快有手慢無”呀…
January 26th, 2008 at 7:59 am
馬仔!!
你一定要拎番個版權呀!!
好多人需要你本書帶俾佢地歡樂!!
我地仲等緊你出好多好多本「低能」書架!!
我尋日都係大眾先到你本書係銷量第一!
如果冇得繼續出真係好可惜…
January 26th, 2008 at 9:07 am
好彩我已經賣哂你果兩本書, 仲要兩本都係首版, 嘿~~
新年前停業, 博益老細真係好無良心 =.=
Anyway, 小馬, 加油!!
January 26th, 2008 at 9:19 am
. . . . .
http://appledaily.atnext.com/template/apple/art_main.cfm?iss_id=20080126&sec_id=4104&subsec_id=11867&art_id=10688347
January 26th, 2008 at 9:39 am
吓…無啦啦摺…咁我個2本書會變做絕版…我要好好收藏先
January 26th, 2008 at 10:00 am
馬仔:
唔好無心機啦啦隊我的職業是發行圖書營業代表,有無興趣找另一出版,我叫老總幫您發行,我同部分書店職員幾熟,可以叫他們幫忙宣傳,您唸唸啦啦!
January 26th, 2008 at 10:09 am
add oil arrrrrrrr!!!!!!!
support little horse!!!!!!!
January 26th, 2008 at 10:24 am
oh…….. 又會咁gei~~~~~~
唔緊要．．．搵個間再出!!!
January 26th, 2008 at 10:32 am
真係好無奈囉…
最慘係本書既版權同埋班員工啦。
其實版權可唔可以以一兩蚊既象徵式賣返俾作者呀…
January 26th, 2008 at 10:44 am
馬仔, 唔好worry太多喇, 我地呢度有好多人撐你架..你要做個開開心心既新娘子呀~~
January 26th, 2008 at 10:46 am
博益停業,真係好可惜! 不過我又覺得, 你兩個(仔女)”低能之道1″
“低能之道2″, 確確實實係一個轉奇!
馬仔, 放心!好嘢就一定有人欣賞, 我相信嚟緊會有好多唔同既出版社向
你打主意, 呵!呵!你有排忙囉!
P.S. 恭喜晒, “低能之道2″成為NO.1
January 26th, 2008 at 10:56 am
T o T 我寫d野會俾蘋果quote左出黎架…..
「一出就大賣」呢d hill 皮字我剩係寫俾你地自己人睇咋嘛……出事….
第樹寫野要小心d~~~
January 26th, 2008 at 11:07 am
妳可以出書還要大賣,及有大班FANS,已經超幸福了,妳現在有了名,一所出版社倒閉了另一所一定會找妳,(時間的問題),現在書是絻版了但最少又有個gimmick,又上到本地書的第一位,所以妳該高興,好的事情會不斷來,記著妳現在所能幹的已經讓很多人envy,還有妳要結婚了,那麼多高興的事,愁什麼?
January 26th, 2008 at 11:08 am
小心狗仔隊，出街着靚Ｄ，化行裝^^ 唔好理Ｄ”段章取義(??)”的文章，問心無愧就得，加油~~~
January 26th, 2008 at 11:12 am
我家四千金，心雨，心嫣，心潔，心晴都支持你，加油再加油~~~
January 26th, 2008 at 11:15 am
要努力啊, 等你的新書在下一間出版社出版啊…
January 26th, 2008 at 11:47 am
第一次留言~~~~
我睇左天航的blog,知道佢有一d的呼籲
所以先去左妳呢一度聲援妳~~
當然啦,我有買的兩本書耶~~~
知道出版社要執個陣,我已經第一時間諗:
“好果妳再出書,咁點算呢~~”
我的感受已經寫左係我個blog度,一click就睇到ga la~~~
January 26th, 2008 at 11:49 am
死la…
我仲末買抵能2
點算
January 26th, 2008 at 11:59 am
嘩！乜蘋果咁都得！人哋喺自家blog度寫吓感受佢哋都引用嚟當訪問！
唔知道嘅人真係以為馬仔咁囂張！引用都應該講清楚吖嘛！
January 26th, 2008 at 12:22 pm
我都係你忠實fans , 你的書真係帶給我好多娛樂架~~
真係好可惜~~
希望你收番哂啲錢之餘, 仲可以收番個版權啦~~
hope you alright~~~
January 26th, 2008 at 12:26 pm
真係好可惜呀 ~ 好彩我已經買左第一同第二集…
馬仔係要加油~快快快快出第三集, keep 住人氣唔好俾佢停!
加油 ~ 永遠支持你 !!!
January 26th, 2008 at 12:52 pm
我都忍唔住出聲啦….
我地100個支持..支持…支持…妳呀
January 26th, 2008 at 1:02 pm
你本書咁好賣，實有人住搶搵你！
照計你識咁多人，可以自己出搵人發架！
January 26th, 2008 at 2:09 pm
小馬，好野一定會有人賞識，所以你唔水擔心喎，低能之道34567…一定會有落腳地嘅！^^
Keep返靚靚心情準備做靚靚新娘啦！
January 26th, 2008 at 3:24 pm
Don’t Worry ! Take Easy! Be Happy !………Ex-Miss Problem !!!!
January 26th, 2008 at 3:45 pm
琴日知道之後都覺得佢地好慘,新年前收大信封.
好彩我都比得切人情你..
我深信你一定拎得返你個版權,因為你先至係佢地嘅生母…..
January 26th, 2008 at 3:50 pm
馬仔：send左email比你啊
January 26th, 2008 at 4:09 pm
小馬，睇過報紙的報導，發現真係(南早)決策層的問題。
妳快d畫幾隻公仔插下佢地，洩下憤都好架。
~~~~~~~~~~~~~~~~
頭先見到沙田大眾有低能2，fans快手啦！
January 26th, 2008 at 4:15 pm
朋友在 facebook 開了 group 支援受影響的博益作者, 亦希望連結關注此事的愛書人一起想想有沒有一些事情可以幫上忙, 請呼籲你的愛書朋友一起加入:
支援博益作者及反對博益結業大聯盟
http://www.facebook.com/group.php?gid=11521725148
January 26th, 2008 at 5:20 pm
小馬,
我一知呢個消息即時諗起你, 不過你OK就好了…
facebook個group我join了…希望群眾力量可以令死去0既良心復活！
January 26th, 2008 at 5:44 pm
人怕出名 「馬」怕肥
January 26th, 2008 at 6:39 pm
聽到這消息，好突然，希望你唔好因呢件事唔開心。
我地都會支持你的!!!
January 26th, 2008 at 7:03 pm
王貽興都試過咁呀﹗佢自己買返個版權呀﹗你睇下問下可唔可以嘈佢賣返俾你﹗
January 26th, 2008 at 8:30 pm
I support you ar~我實卜你買番版權!!!
January 26th, 2008 at 8:40 pm
馬馬 (希望你唔介意我咁叫你啦=])
我係上個月先買你本低能1泥睇
跟住就買埋2喇
本來仲諗緊你幾時會出3
黠知今日係yahoo突然睇到一本堂(博益)要結業
佢突然泥結業已經衰
仲要絕到連版權都唔比返人地
真係x(#&$^@ .\/.
有d作者仲慘
簽左10本先出左1本就話結業
一係簽左賣身契
書ge續習都賣埋比佢地
而家又唔比返版權人地
咁人地咪姐係咩都冇
呢d咪叫自私囉
自己唔食個飽都要掉左去唔比人食
*sorry,希望你唔會嫌太長啦*
January 26th, 2008 at 9:07 pm
我覺得間公司都結業lor, 咁邊個係版權人呢? 都無左間公司lor.
你地可以找律師問下, 我覺得你地可以有番個版權wor…
January 26th, 2008 at 9:07 pm
咁你個大頭maggie公仔係咪可以繼續畫架?
January 26th, 2008 at 9:43 pm
馬仔~蘋果quote你寫0既野take it easy呀~
多0的noise係好事呀~
January 26th, 2008 at 9:45 pm
馬仔，我都好驚呀！我係一個Freelance編輯，幫緊那間出版社係無錢賺的，佢地仲欠我六萬幾蚊，你話我好唔好追佢地數？真係驚佢地都無端端執笠！
January 26th, 2008 at 10:04 pm
轉寄： . . . . .
(from http://hk.myblog.yahoo.com/lau-holeung/article?mid=203)
致所有博益作者和香港市民
您好，
相信各位也收到博益結業的惡耗了。
這個還是香港文化的惡耗。
「不談版權，博益將保留一切著作權！」
「三月三十一日把所有賣不掉的書銷毀！」
這是博益送給作者的最後兩句話。
即是說，我們的書將成為絕版，三月三十一日後我們的書將會永遠消失。
我起初也只是想著可以「救回」多少本自己的書，怎樣取回自己小說的版權。
然而，思前想後，我感到此事不但是數十個作者的事，而是全港市民的事；不但是許多本書被消滅，而是香港文化被消滅！
我們的一字一句，是香港文化的筆觸。
許多博益擁有版權的書，更是香港文化的一部份，香港人的集體回憶。
我們可以忍心看見黃霑的《不文集》、《牛仔》、林振強的「洋蔥頭」、倪匡、林燕妮等名家的作品從此消失嗎？
政府大力推動「創意工業」，難道可以看著一個大財團把香港文化產品淹沒而坐視不理嗎？
我認為，應該要讓政府和市民知道嚴重性。
我的想法是爭取釋放所有書的版權，既捍衛我們的書，也讓其餘所有的書得以留傳下去。
我們不只是紮鐵工人，我們的著作也好比天星碼頭。
博益結業不只是我們的事，也是香港的事。
我只是提出我的想法，並沒有企圖說服各位，我因為身在外地工作，暫時未能回港，但絕對願意支持各位的行動。
三月三十一日，是我們的書的死期，也是力保文化的重要時刻。
劉浩良
January 26th, 2008 at 10:05 pm
姐係我屋企冇啦啦,,多左幾本絕板既書=0=
January 26th, 2008 at 10:16 pm
Maggie:
博益結業也不要不開心
不好做悲觀小姐la
要記著妳上年幫黃生畫poster既個個show 名呀
“越大鑊, 越快樂”
以家最緊要開開心心準備做小圓山太太
January 26th, 2008 at 10:16 pm
我聽到個心都好…..唉~~唔知點形容~~
January 26th, 2008 at 10:17 pm
我想問, 你的版權只屬 “低能 1 & 2″ 呀? Or 你成個人的版權?
January 26th, 2008 at 10:18 pm
呢件事證明機會一走左就無,其實小馬你都好好彩,出到1同2,我都好好彩買到呢兩本書~*v*希望博益個老板有天會回心轉意,
買番個版權俾你啦~ 放心啦, 好運會跟住黎架~
January 26th, 2008 at 11:04 pm
小馬, 你唔好唔開心啦! 你好快做靚靚新娘, 要keep 住靚靚靚,
版權問題已經有好多人反對博益, 這種”糞焦拔”的做法, 衰老闆
禁樣對員工, 太過份, 新年前來結業, 而且連版權都禁買回, 佢
一定係老人痴呆呆啦! 一句講晒 “豬持小馬, 豬持, ^.^y”
January 26th, 2008 at 11:07 pm
我是偶意同事介紹才看你網站的人,一年前只看你的日記(出於ハ掛)之後開始看你的圖畫,你畫的每個圖畫都很表現到你自已感受,連看的人也會回心微笑,早半年前在msn裏開始從朋友見到你的圖畫,覺得十分有趣,也同樣顯示你慢慢入了我們每一個家庭,當你出第一本新書,更成為我們staff room內榜首,(我最想箏到的一本書)冠軍…..後選的還有很多ハ婆雜誌同减肥書等…所以馬仔你要繼續努力出低能3.4.5.6…加油!加油喔!
January 26th, 2008 at 11:26 pm
放心!你有咁多粉絲…我相信你的運勢一定會好似恆指咁”V”型反彈既…今日跌2061…聽日會上番2332…
January 26th, 2008 at 11:49 pm
轉自天航blog
文人被欺負了!! 你有血有淚的話，就為我們發出聲援吧！
博益結業，焚書滅版
作者需要所有讀者的聲援
謹致 天下有心人：
雖然自知沒有資格代表其他作者說話，但我天航願意以個人名義向大家跪求，
懇請大家出一份力，來幫我們這些作者發出怒吼的聲音！
佳節前夕，發生了香港文化史上的大悲劇── 博益出版社要「停止運作」了。
一本堂是博益出版社的屬下機構，所以也無法倖免。
根據可靠的情報來源，商方竟以「無情欺壓」的方法處理這件事：
「市面上所有博益、一本堂書籍，將於三月尾將停止銷售、收回並銷毀，以後也不會出版。
而出版社亦不會讓作者取回所有簽約作品的版權。」
換句話說，所有作者在博益和一本堂出版的書籍都會變成歷史，
而大家永遠再也無法買到那些曾經爍爍生輝的著作！
我的損失算輕了，就是亞米巴系列的五本書和運動短襪系列將會完全絕版，
亦幸好有自資經營的出版社，日後至少有穩定的收入來源。
但其他作者可是放了好幾年…… 甚至是接近十年的心血在博益！
如大家除看我的書以外，還有看其他一本堂作者的書，
現在是時候去信聲援 你所支持的作者 ！(或許你的朋友有看別的作者的書，要立刻通知他們。)
一點鼓勵說話安慰說話也好，作者現在真的很需要大家的聲援！(我暫時不需要關心，請先關心其他作者吧!)
我們是文人，在商業主義掛帥的香港不被重視的一伙人。
沒錢賺的話，商人絕對有權主宰我們的生死。
沒錢賺的話，商人絕對有權主宰我們的生死。
哪怕要在商人的勢力下低著頭做人，我們也忍著了，只為了繼續拿著筆桿創作。
但商人要剝奪我們的一切了，剝奪我們耗掉幾年光陰在稿紙上熬夜寫出的作品。
我們曾經寫過的小說，真的要就此在世上消失嗎？
版權法是為了保護我們，還是為了保護出版社的利益？
如果大家能看畢我這段字，只是發出一聲感慨，然後關掉瀏覽器，當作甚麼事也沒發生過……
那我會為你鼓掌，但我會在背後以怨憤的目光瞪著你，
因為你果然是個寡情薄義自私自利的純正冷血統香港人。
我們作者現在需要的不是賠償了，我們只想拿回我們的作品。
這件事沒有更多人為我們出聲的話，商人就可以暗暗地將我們「宰殺掉」。
我們平時寫作，所賺的錢真的比會計部文員更低，看著我們被商人欺負，你們能視若無睹嗎？
所以，我懇求天下有心人為我們這些作者做一些事：
1. 想盡辦法將這件事傳出去，在你經常去的論壇 或新聞機構的網頁 留言！總之讓香港市民知道這件事！
2. 在你的網誌寫文章，以「博益結業」為題或作TAG；
3. 去信聲援你所支持的作者，呼籲你的朋友加入聲援行列。
我是有點激動，但此事 事關重大，一秒也不能延遲，天航為此可向各讀者下跪。
我們作者現在真的很需要一團跟我們站在同一陣線的朋友！
除非，你們想我們永遠消失。
本人在此祈願。謝謝。
天航怒字。
更仔細的詳情可到此網頁查看：
http://moliuology.mysinablog.com/index.php?op=ViewArticle&articleId=981978
(下面引用欄有雲海先生和伍諾韻小姐的blog。)
January 26th, 2008 at 11:53 pm
點知蘋果用左你段野,哈哈…
唔好唔開心啦,我地支持你喎`
我唔會再借你d書比人睇架啦,
珍貴野喎,hahaha`
我地等緊你出《低能3》,
或者《我的低能婚禮》,
再唔系,出埋一本《我的低能婚後日記》lo,
我一定會買架,我地一班人支持你,
一班粉絲支持你,唔洗怕架..
January 26th, 2008 at 11:55 pm
小馬,
其實我都係買左你o既低能1,2兩個星期咋!我覺得我自己好幸運可以買到!聽到你呢兩本書成為絕版,我都好唔開心呀!!不過,你要努力呀!!你一定要繼續出書,我呢d fans一定會繼續支持你呀!!!!俾心機呀!!
January 27th, 2008 at 12:07 am
聽到呢個消息都好唔開心~ 新年流流整單咁o既嘢….
啲無良僱主有無唸過班員工，
啲奸商有無唸過班作者及讀者，銷毀晒所有書
各位作者我一定會支持你們~~~~
January 27th, 2008 at 12:56 am
馬仔~加油~
我一定支持你~
就算係低能 1 & 2….3…4至無限本
我都一定會買
大家陪住你~加油~ fighting~
January 27th, 2008 at 1:16 am
到底點解博益唔肯賣返d版權比作者呢??
賣返出嚟唔係比埋葬死海更有利益及實際得多??
January 27th, 2008 at 1:24 am
其實話時話，佢就算肯賣翻個版權出黎，首先當佢之前一文賺十文，妳第一期賣萬八本計，第一期已經可以幫妳開價十八萬，更何況又未必會咁樣同妳計，始終妳本書響市場上真係有價值既；但如果佢肯咁樣計，兩期夾埋開三十過妳買翻斷既話，又值唔值咁樣買翻？買得翻又幾時回倒本？係可惜既，不過做出版其實都好難做…
望就望好似評論員咁講，南華係等另一個時機重新大展拳腳，又或者係一次過將所有好書、爛書既版權賣俾另一個出版社，咁樣都合做生意既角度既，始終都係錢，冇理由就咁霸住黎唔計呢條數既…
更何況，妳肯繼續做才馬，又點會冇機會？
所以，唔駛灰心，繼續努力啦！
January 27th, 2008 at 1:34 am
我係一個鐘意閱讀的小人物，每日都要面對不同的社會壓力，每晚的閱讀成為我的唯一樂趣，黃霑的風流，雲海的鬼異，馬仔的低能，這些統統都帶我走過不少的日子，每一個作者彷彿成為我的朋友一樣，為我黑白的人生填上色彩。
一個商業的決定，一班守財奴的睇法，殺死了我的朋友，扼殺了我的夢。南華傳媒係一間大型的出版機構，作為一間大公司當然要為利益著想，將一些”無咁賺錢”的產業結束，但係做出版的人係唔係需要一d良心?
博益年年賺錢反而要結束? 咁南華做乜唔改行做地產做證券呀? 只係”無咁賺錢”就應該結束嗎? 為左公司年尾的財務報告好睇就真係可以唔理別人的生死?
一個作者辛辛苦苦咁完成一本作品，我諗應該可以講係嘔心瀝血，出版社倒閉係一件不幸的事，無得冤人，但係出版社為乜要凍結版權? 係唔係想人地陪葬? 一間公司係為利益著想，咁人地個作者俾錢想買返個版權，公司又有錢賺喎，有何不可? 另一方面，以我所知南華的作風一直都經常拖欠作者們的人工，好多時要一兩年先收到錢，咁即係錢又唔俾人，但係又凍結人地的版權? 咁重成世界嗎?
出版商同傳媒真係好可笑，每當有事發生，就搬一大條道理出黎，揭人私穩就話係讀者知情權，寫衰人就話係言論自由，有天災人禍就扮晒仁義咁幫人籌款，但係有無人發現籌款過後就往往無左下文，成日將良心掛在口邊，但係呢一刻佢地的良心去左邊? 俾狗擔左啦!
以前經常聽人講做出版要講良心，因為一支筆往往能夠改變整個世界。我好望希南華班守財奴可以拿出一點點良心出黎，何必要別人的作品跟你地陪葬!
何伯當年賣煙仔害過唔少人，但係都識得年年東華捐返幾千萬做善事。唔通南華的八掛雜誌同色情刊物唔通重賺唔夠咩? 唔洗下下賺到盡掛?
我覺得南華係一間只懂賺錢的出版社，既然佢地無視讀者的要求只係懂出版d賺錢的不良刊物，咁我地做讀者就應該用行動去表達不滿，今日起，請大家不要買南華所出版的刊物，我地要教識呢班人乜野係良心。博益賺得少就要結束，如果南華本本書都唔賣得，我地就睇下佢係唔係連自己都結束!
南華主要的出版雜誌如下:
[JESSICA]
[JESSICACode]
[Lisa 味道]
[marie claire]
[HIM]
[ESQUIRE]
[Carplus]
[快週刊]
[3週刊]
[JESSICA's 完全女人手冊]
[CAPITAL Weekly]
[CAPITAL Money]
[CAPITAL]
[CAPITAL CEO]
[CAPITAL ENTREPRENEUR]
[兒童快報週刊]
[兒童快報月刊]
January 27th, 2008 at 1:36 am
當然，我亦忽略左其他放左更多、甚至畢生心血既作家們，希望最終係有財團會出錢買然後重新發行啦…
January 27th, 2008 at 2:09 am
我買左低能1架,上星期先見低能2,仲未買,快D去買先
原來你只係簽左兩本書,咁都好D,我好擔心,雖然我只係個讀者,同你三唔識七~
January 27th, 2008 at 2:36 am
我深信你果兩本書好快會斷市… 嘿嘿… ;;
January 27th, 2008 at 2:42 am
re: king
其實博益係屬於”南華早報集團”,同”南華傳媒”毫無關係,你列個D全部都係南華傳媒既刊物,唔好死錯隔離呀…
January 27th, 2008 at 9:12 am
Nik, 你說得對呀, 博益係屬於”南華早報集團”, 雖則”南華傳媒”都唔係好好.
南華早報集團旗下業務:
Newspapers
South China Morning Post
Classified Post
Jiu Jik
Magazines
Cosmopolitan
Cosmo Girl
Harper’s Bazaar
Automobile
Bookstore
Dymocks
January 27th, 2008 at 9:38 am
馬仔, 我睇左你個網好耐好耐, 我都好中意鴨仔, 又好中意去旅行(我主力日本)。今次第一次留言俾你…
我老公以前都出過書, 佢同果間出版社(香港某大教科書和參考書出版社)的合約, 有寫明如果出版社過左某個年期(好似係一年)唔再出版/重印呢本書, 版權會自動歸返作者架喎……
你睇清楚你同博益份合約有冇類似的條文丫…..
January 27th, 2008 at 9:46 am
(cont)
我老公拎番佢當時(02年)的合約la….上面寫住:
「倘出版人破產(因業務改組而自動申請破產除外), 或故意違反本合約各項條款而經作者書面指出之後一個月仍不改正, 則本合約之約束力即告終止, 作者可將本書交其他人印刷出版。」
你快d睇下你果份有冇類似的東東啦…
January 27th, 2008 at 10:26 am
TO:馬仔
其實南華實在太衰啦，都係求錢姐，最低限度，都唔好燒書呀，比返賣唔去D書個作者，咪仲好…或者賣書會，都好呀…點解一定要咁姐？
不如我地係果日去抗議啦，咁多好書，我相信無人會忍心，見住D書比人咁「糟質」架？
係讀者既立場黎講，呢樣野扼殺左我地鐘意既作者，我地亦可能再無機會欣賞到咁好既作品…
係作者既立場黎講，佢地會無左一份工，仲要見住自己心愛既書比人燒…
January 27th, 2008 at 11:21 am
小女年紀還小,什麼都不懂,幫不到你,
只有,密密在你身邊支持你
GO FOR IT!!
January 27th, 2008 at 11:30 am
馬仔, 無論點我地都會繼續支持你, 奸商奸商….可能轉個頭又開另一間新嘅出版社, 千祈唔好因為咁而唔開心, 可能將來有間勁過博益100倍嘅出版社”照”住你呢, 有”食”力,去邊”薯”都無問題, 所以你而家最緊要做3件事 :
1.) 點都要追番d錢, 呢d係你應得架..
2.) 開開心心籌備婚禮, 一生人一次, 小圓山一定要你靚靚架..
3.) 結完婚後繼續寫”我的低能之道3″, 好好好期待呀!!!!
Add Oil ar~~~~
January 27th, 2008 at 1:25 pm
wa…事出突然…估唔到會咁樣
希望你早日可以拎返d 錢..同埋可以搵到另一間出版社再出書
好期待你的低能之道3呀…
加油加油
January 27th, 2008 at 2:20 pm
已連線。
我跟妳一樣，所簽的兩本小說都已平安出版了，但我打算今年內出到第十集啊！更聯絡了一班學生和年青創作人齊心合力，結果可能要以另一種方法繼續．．．
我跟阿Rae說了，會代為安排商場搞展銷會，因為我不想最後會變成賤賣活動！
希望「博益事件」會有一個較理想的結局吧！
January 27th, 2008 at 4:06 pm
會唔會又係免費報紙所累~
而家英文虎報又免費派發…..
咁又冇人買報紙了,南華又蝕$…
所以向其下集團開刀~
January 27th, 2008 at 4:59 pm
To何故，
賣晒，總好過銷毁…….
唉，希望快d可以解決到件事….
January 27th, 2008 at 5:45 pm
http://www.petitiononline.com/scmpbook/petition-sign.html
博益停業(一人一名支持博益作者取回版權並反對南華早報作出銷毀書籍行為！)
January 27th, 2008 at 6:56 pm
費話小講~~撐你呀馬仔!
January 27th, 2008 at 7:09 pm
馬,,咪咁灰wor..實有人接收你本書既..
January 27th, 2008 at 7:48 pm
加油加油…
January 27th, 2008 at 9:12 pm
算啦…
唔好唔開心啦…
其實佢地(博益結業)都唔想咁,鬼叫個母公司南華早報決定要停業咩….
[By The Way,我覺得南華早報只出英文報(無法迎合大眾)是停業原因]
我自細睇博益嘅書大,而家博益話執笠,
相信不論係博益做的員工們,
賣咗版權俾博益的作者們,
以及睇博益嘅書的讀者們都好唔開心啦(嗚呼),
希望將來可以見到妳的新書出版啦,
如果妳仲擔心攞唔番D錢,不妨循法律途徑,睇下攞唔攞得番.
January 28th, 2008 at 1:37 am
小馬:你好，得知博益停業，很難才找到你的BLOG，再能在此留言，不知是否已有出版社找你出書呢？會否有機會跟你合作呢？可否一談，如有興趣，請回電郵給我吧!謝謝.
January 28th, 2008 at 2:58 am
馬仔, 你不要擔心太多, 以我估計, 南華早報集團應該只是重組, 你想一想, 她手上有這麼多賺錢的版權, 如果不去印刷就沒有錢賺, 如果你是他們, 會不會做一門損己不利人的生意呢? 另外, 熱切期待你下一本書, 不要灰心, 要努力呀 !做個開心的靚靚新娘 !
January 28th, 2008 at 9:34 am
我都覺得有古惑呀~~~scmp1定係想賣左d版權俾第間出版社??? 呢d肯定係商業決定黎啦~~都係$作怪
可惡!
January 28th, 2008 at 10:49 am
小馬, 加油..我會繼續支持你的!!
再出個本好書!!
January 28th, 2008 at 1:30 pm
馬仔, 唔好咁唔開心啦, 你收到錢未呀? 希望你快d收到錢及可以快d搵到新的出版社出你的新書啦。
January 28th, 2008 at 2:13 pm
太幸福太順境我反而會覺得不安…..喂！我都係甘唸播，千祈唔好比我中六合彩 哈哈 我會驚 hehe
January 28th, 2008 at 5:04 pm
Good news/ bad news!???!?
大埔既大眾,,低能1,2都冇哂^.^’
January 28th, 2008 at 5:06 pm
死 la ” 我仲未買”"
好驚買唔到-[
January 28th, 2008 at 5:15 pm
作為博益旗下作者的雲海先生對停業事件有另一番見解: . . . . .
http://wanhoi.mysinablog.com/index.php?op=ViewArticle&articleId=985504
January 28th, 2008 at 5:50 pm
I see 低能1,2係馬鞍山三聯有!!!大家快d去入貨!!!
January 28th, 2008 at 6:36 pm
灣仔天地都有好多 =]
January 28th, 2008 at 7:17 pm
報告報告!!
元朗千色廣場2/F三聯書店有大量《低能２》(>20本)
各位未買0既fans 請即行動!
January 28th, 2008 at 7:36 pm
咁遠………
-3-
January 28th, 2008 at 7:58 pm
買唔返版權都唔緊喇,
我地做人要驚貴d家嘛,
就算唔係呢間出都好,
希望你會有低能3.4.5.6…
我地一定會十卜的^^
January 28th, 2008 at 8:31 pm
前幾日見大圍火車站間書局仲有幾本《低能1、2》賣，唔知依家仲有冇呢?!
January 28th, 2008 at 8:44 pm
[...] 馬仔／天有不測之風雲 - 博益停業 [...]
January 28th, 2008 at 10:22 pm
我買左低能2啦, 哈哈….我集齊啦! 好開心! 各位如果仍未買到, 可以去以下地方, 1. 藍田啟田商場三聯書局, 2.九龍灣德福商務, 3.Mega box 大眾, 數量不多, 快手買啦!
January 28th, 2008 at 10:47 pm
我己經幫你INVITE哂FACEBOOK D FD入去個GP度喇
加油啊!!
January 29th, 2008 at 2:01 am
唔緊要，有麝自然香… 一定好快又有第二間出版社找你合作的了… 相信所有支持你的人，都會直支持你的…
January 29th, 2008 at 6:03 pm
萛啦,馬仔,人生不如事只是十常八九!我D fan 都角得你都唔算差(畫工)!
可能會再開番呢,別灰啊還有很多人撐你 !
January 29th, 2008 at 6:46 pm
博益 keep 起版權for what?
不如送給作者or賣比other publisher 仲好啦…
January 30th, 2008 at 1:19 am
馬仔, 出《低能2、3、4、5、6….》啦~所有支持你的人，都會買齊佢地!!!!你有幾低能, 我地有幾撐你!!!!!
January 31st, 2008 at 8:48 am
小馬，
見到你話《低能1，2》將成絕版，我第一個反應就係要即刻去買多幾本。哈哈，等你出完一套低能系列后，再成套攞番出來賣。 （發錢寒啊）
不過考慮到這樣做只會令奸商獲利， 而且你又未必得益， 我還是算了。 這便是我支持你的方式。 加油啊！
January 31st, 2008 at 10:27 pm
誠邀閣下到香港民風大典編輯一下有關博益停業的條目： . . . . .
http://zh-hk.hongkong.wikia.com/wiki/%E5%8D%9A%E7%9B%8A%E7%B5%90%E6%A5%AD%E4%BA%8B%E4%BB%B6
February 1st, 2008 at 4:40 pm
博益停業．冰封的，何止一本書
停業和結業的分別是，停業，只是停止運作，公司理論上仍然存在（就是所謂的空殼公司）；結業，是真正結束營業，公司消失，商業登記冊上不會再有這間公司的名字。
一間不存在的公司，不能擁有資產；然而，一間空殼公司，可以。
博益是停業，不是結業；所以，博益仍然存在，只是變成一間空殼公司，擁有著數以千、甚至萬計的版權。只要這間空殼公司永久地存在，這些版權就會永久地被冰封。
然而，冰封的，何止是一本又一本的書．．．
版權的定義，並非只是印刷白紙黑字書本的權利，版權所涵蓋的，是一份創作所能衍生出來，你現在想像得到，和你現在想像不到，在未來才發明的相關產品的出產或授權出產的權利－－電影、電視劇、舞台劇、廣播劇、動畫、漫畫、繪本、電子書．．．等等等等。
作者固然是簽下了合約，可是，這合約精神是基於我們交出我們的創作，而博益亦同時履行作為一間出版社的「正常」責任，請不要告訴我，一間空殼公司，有能力履行一間出版社的責任。
也許，我們最終自己盜版自己的作品好了。
但在走到那一步前，我們誠意要求南華早報集團正式交待博益事件。
伍諾韻－博益出版合約作者
★
我們還是需要一本書、一本漫畫、一套電影、一齣舞台劇的，是不是？如果你支持我們這個城市在縫隙中的創意工業，請把此文章轉載到你的網誌、你經常流連的討論區、facebook群組等等；我和一群為數約50人的博益作者，以及各界關注博益突然停業的人士，正聯合起來積極打開南華早報集團溝通之門，多一分支持和聲援，我們便多一分力量！
http://lokwan.promobook.net/blog/2008/01/post-13.html
網上聯署行動：
http://www.petitiononline.com/scmpbook/petition.html
如你是認識，或本身就是在博益出版書籍或你是博益作者，請立即聯絡伍諾韻小姐，她的電郵是：lokwan@promobook.net
本轉載為節錄版(請四處發佈，讓行動繼續)
February 3rd, 2008 at 12:33 pm
我十卜十卜你嫁~!
咁快就冇得出-v-”
我都好唔甘心~!
不過我相信你本書好快就抄到100蚊啦-口-”
February 7th, 2008 at 8:12 pm
我地撐你架……難得我啲細佬唔睇古惑仔睇你小馬…..佢唔比版權你出唔到書..攞番二三百人圍佢(示威..唔係打交)!!!!!!!!
February 12th, 2008 at 12:52 pm
你一定要繼續畫落去呀 ~~~~!!!!
加油!!打氣打氣打氣 ~~~~ !!!
好多人都好鍾意睇你畫gei畫gaaaaa~~~ ^____^
February 14th, 2008 at 3:41 pm
繼續寫”我的低能之道3″la ! relax d !
February 18th, 2008 at 10:55 am
好彩之前睇完2即刻買埋1睇…如果唔係而家就買唔到睇lu….
February 20th, 2008 at 3:56 pm
ayo 看不到我們的低能婚禮
February 24th, 2008 at 9:51 pm
好彩第”低能1″ & “低能2″ 一出版我已經買咗O者!!!
February 24th, 2008 at 10:55 pm
你快Ｄ寫第三集咪得囉
May 16th, 2008 at 7:42 pm
Hello my friends :)
;)
May 17th, 2008 at 10:05 am
jatxbfz
May 17th, 2008 at 6:12 pm
rykoe oualrie heytbiv
May 19th, 2008 at 8:17 pm
ojdf xwcsk
June 24th, 2008 at 7:55 am
59K3Hp Blogs rating, add your blog to be rated for free:
http://blogsrate.net
February 18th, 2009 at 10:02 pm
=.=”
February 19th, 2009 at 12:37 am
我去天地,d schedule賣晒喇
馬仔…點算呀?
今年無得用
February 20th, 2009 at 9:42 am
re小花女:
我去天地,d schedule賣晒喇
馬仔…點算呀?
今年無得用
我係旺角既一間樓上書店見到仲有啊~
個間書店既名叫「開益」你可以上網search下啊~^^
February 20th, 2009 at 11:43 am
旺角田園都有得賣, 我見apm三聯都仲有呀!!
仲有八折呀~
May 30th, 2009 at 1:19 pm
plant in house