Loading ...
雜影與澳門搵食一問~
首先想問問大家，
去澳門而家有咩好食好去？
哈哈，係呀，我地準備帶美美子出門呀~~
好緊張呀~~
所以大家有咩好食嘅地方就提議下啦~
不過我地係一行十幾人，
最好係d坐得比較舒服同適合BB去嘅地方啦~
呀，仲有仲有，好想食buffet，
有冇邊間好食呀~~~~
有好介紹留言黎呢喂~~~
後加：((((如果想食蟹粥or海鮮，而家有邊間係好食架???))))))
====================================================================
美美的新寵~
為表示我地好friend，要咬啖先!
美美紥到辮呀~~~~
似唔似怪獸公司個細路女呀`~~~~~hohohohohoho~~
我最鐘意呢張~~~ ^3^
同場加映：
响H&M見到條好靚嘅裙仔，
即刻買咗條歲幾嘅size俾美美出年去小Con婚禮~~~~
搵黎大明星卡樂b幫我試著先~~~~
好靚啊~~~~
仲買定埋件外套仔，正~~
題外話，
卡樂B出咗幾隻牙仔，
但上面剩係出咗一隻，
佢笑起上黎好似Halloween D南瓜個口呀~~~
Arhahahahahahahaahahhahahahahahahahahaahhaha…
勁得意呀!!!!
November 2nd, 2009 at 3:40 am
我覺得美美紮左辮似返媽媽噃..之前個樣就似小圓爸多D~
November 2nd, 2009 at 5:05 am
美美個下巴仔好尖呀~ 第日一定係瓜子口面, 實係行”靚女路線”啦~~~
November 2nd, 2009 at 7:39 am
馬仔！
玩唔到你d遊戲呀！！
次次到會去o左kizash個homepage!
November 2nd, 2009 at 7:51 am
美美子真係越大越靚女喎~
塊面尖尖咁~重好眉清目秀添！
November 2nd, 2009 at 9:54 am
澳門 (新)葡京酒店 BUFFET 幾好, 雖然貴, 但物有所值; 唔好以為依D老牌酒店D水準就係唔得, 依間野做到好高級咁, 有D房有桑拿, STEAM 浴, 按摩浴池, 全個雪櫃D野任飲, 仲有好多 MOVIES 任睇 (用 B&O 電視; 連 TOILET 都有電視架.), 我上次住完都覺得好 OKAY!! 你去佢個網睇下啦.
November 2nd, 2009 at 9:59 am
朋友話觀光峇上的buffet好好味個喎
November 2nd, 2009 at 10:08 am
新葡京個BUFFET 叫”自助山”…..都幾好食架!! 地方又夠大
美美塊面尖左好多……好靚女呀!
November 2nd, 2009 at 10:12 am
食葡國餐，上次我都有帶過bb去一間係氹仔市中心的「小飛象」葡國餐, 嗰度環境都幾好, 有濶落, 帶埋BB車上去都得, 又不太嘈, 食物水準都不錯，價錢功度，美美子仲可以SLEEP吓都得呀~~~希望這提議幫到你啦
November 2nd, 2009 at 10:14 am
美美子好得意吖~~~ 又多表情喎
去澳門… 去大利來食豬扒包啦 >.<
November 2nd, 2009 at 10:23 am
記得唔好 11月19 至 22日 前後去, 果幾日賽車, D野會貴好多.
November 2nd, 2009 at 11:05 am
俾你個主頁笑死我呀 XD
November 2nd, 2009 at 11:09 am
Wow…條裙仔咁靚,出街實溝’史’仔啦!!!!!
仲有呀….美美子太細粒啦…坐係個’紙坑’成個人仔凹左去好攪笑呀!!!!!
November 2nd, 2009 at 11:27 am
馬仔,尋日我係poly 聚賢閣(茶樓) 見到你呀。你真人靚過係雜誌見到o既你呀. ^.^ 我媽媽都猛話你好高又好瘦。 不過我唔confirm 當時見到o個個B 女係唔係美美子a
November 2nd, 2009 at 11:51 am
梗係十三至二十九來澳門啦…有一年一度的美食節…不過最好星期一至四去小人D…唔會咁逼囉…可以食好多澳門唔同酒樓GE菜式….
November 2nd, 2009 at 12:03 pm
觀光塔上的buffet好好味,看風景幾好,360度旋轉餐廳好有feel而且收費合理
November 2nd, 2009 at 12:33 pm
馬仔, 我囝囝佢今個月9號就10個月啦. 見到你話卡樂b出左幾隻牙仔.
其實我想問下卡樂B媽媽知唔知道以下既問題:
我囝囝佢係大約7-8個月既時間出第一隻牙仔, 直到宜家佢都已經出緊第四隻牙仔, 不過隻隻都係出左一半, 未有一隻係完整出曬. 前日我無意中見到佢下面兩隻門牙既牙肉腫左, 而原本出緊一半白色牙仔既門牙突然之間唔見左, 宜家只係得返好似岩岩生出黎咁少少白色, 好似跌返落去咁. 我想問下點解會咁樣呀?? 會唔會係囝囝成日咬牙或磨牙?? 我阿媽話佢可能唔夠鈣. 咁又可以點呀??
唉~攪到我宜家都好擔心呀~
November 2nd, 2009 at 12:36 pm
澳門食自助餐的話呢, 英皇最好, 仲最平TIM(MOP 148 + 1)… 不過分2個時段…第一場好似係6:30 ~ 8:30…. (有哈仔雪糕)
新葡京比較多人, 亦都係分2個時段, 尤其係星期六, 日…我唔RECOMMEND 帶埋BB一齊去啦…
葡國餐LE..我就提議西環架阿利咖喱屋, 好多好好味架野食架..個VIEW又靚……好似可樂鴨, 咖喱就一定要試….星期一至五去仲有甜品送架(不過而家最好問一問WAITER, 我唔知佢而家有無得送)
http://www.foodidea.net/modules/restaurant/restaurant.php?ID=586
仲有船屋都好… 佢D海鮮湯同船屋花甲好好味的.
http://www.foodidea.net/modules/restaurant/restaurant.php?ID=776
其他值得試架地方仲有食雪糕架檸檬車露~好多人幫襯架…
http://www.foodidea.net/modules/restaurant/restaurant.php?ID=1185
November 2nd, 2009 at 12:58 pm
聽講觀光峇buffert also gd wor
November 2nd, 2009 at 1:49 pm
上次去macau食左間超超超正既日本料理 三井鐵板燒日本料理<<<旅遊書無架 誤打誤撞上左去
真係好好味架 d鐵板燒都超正~一定要試下 可以面對面望住佢整^^ 好香好好味 呵呵
http://www.foodidea.net/restaurant-restaurant.ID-1805.htm
November 2nd, 2009 at 1:50 pm
p.s. 你d肚紋仲清唔清到呀 我親戚生完又係有呢 搵緊方法點去肚紋~”~
November 2nd, 2009 at 2:08 pm
新蒲京果個”自助山”啦 , 超正!!!
記住book 位呀 (o係香港呢邊), 好多人架! d 位我覺得都夠寬敞呀!!
唔錯架
November 2nd, 2009 at 2:17 pm
好似大大下… 又似返媽咪wor… i like pic 4
November 2nd, 2009 at 2:37 pm
美美子愈大愈靚女呀~~~
November 2nd, 2009 at 3:06 pm
我都覺得新葡京個”自助山”buffert 唔錯呀
November 2nd, 2009 at 3:40 pm
美美子愈來愈標緻，唔使行”女強人”路線啦”
November 2nd, 2009 at 4:09 pm
美美子個樣似番個女仔喇~ 白左又靚左, 下巴尖尖 ^^b
個樣越大越似你~ (唔好似爸爸, 似爸爸唔靚) XDDDDDDDDD
November 2nd, 2009 at 5:00 pm
蟹粥是氹仔”峰景”最好吃!(影帝偉仔都幫襯果間呢~)另外平平地筷子基的”肥仔康”也很好吃的!^-^
November 2nd, 2009 at 5:20 pm
誠昌飯店 氹仔官也街28-30號地下
此店最有名是蟹粥，星期一晚上6點到達，唔駛排隊，唔駛撘枱，食得都算舒服。
個主菜都係蟹粥，粥底夠錦，開哂花，仲有好多蟹榚飄浮，唔食得都睇得先。食落口，好好味，而且，隻蟹都好多肉下，計起黎都算抵既，值得一試。
但要彈是侍應唔夠，落單比較慢，服務比較遜息。
是次消費: 每人約MOP50
寶雅座法國餐廳 新口岸外港新填海區B區B2街區A地段澳門美高梅金殿天幕廣場法國小區內
係食海鮮嘅,有中蝦、法國藍青口、有鉗龍蝦、亞拉斯加蟹腳及有殼生蠔 仲有海鮮拼盤、馬賽魚湯
總括來說,主攻海鮮拼盤(MOP380-MOP395)及鵝肝(兩大塊鵝肝MOP188)是絕對超值
地方幾闊落,佢仲有張吧台,而且,大廚係從巴黎聘請回來的米芝蓮星級名廚
每人約MOP1380 (晚餐)
兩間都值得一試
November 2nd, 2009 at 5:51 pm
你咁鐘意食蜆~台山水佬榮花甲煲一定要試呀!!
仲可以用佢打邊邊架~我去襯澳門都必食架~正!!!
不過佢d蟹好貴..所以我只會叫花甲煲…誓死唔加蟹..
仲有佢d蔗汁好好味架~
November 2nd, 2009 at 5:56 pm
halo.
琴日係報紙見到你呀=]
美美子個名改得好好=]
呢個名好靚好可愛=]]
November 2nd, 2009 at 6:21 pm
新葡京自助山真係最抵食~200幾蚊/~但好多款俾你食~所以為起真係唔貴~不過記得一定一定要BOOK位~
而咖喱屋都唔錯~價廉物美~但都係記得book位~否則俾個樓上你坐~真係唔該晒~
November 2nd, 2009 at 6:27 pm
你幾時去呀？賽車期間乜都貴+乜都冇架播
November 2nd, 2009 at 8:31 pm
美美字個l00k真系好似呀buu
November 2nd, 2009 at 9:53 pm
我係澳門人,想食好味既粵菜一定要去爐石塘的陶陶居好好味的,特別是金錢蟹盒,火肉,乳香雞,翅一定要食,阿穌都介紹過~另外飲茶可以試下舊葡京日麗餐廳點心真係好好好味~~
至於自助餐,可以去自助山因為佢多款式但限時間(只可食兩個鐘),而另一間就係舊葡京既不夜天雖然小野食,但係可以由6點食到10點,加上佢既出品素質好味過自助山,價錢都係百七蚊到好抵!!!!!
以上食店記得提前幾日訂位,因為成日都滿架!!!!
November 2nd, 2009 at 10:48 pm
自助山係多嘢食，不過我覺得時間太急同倉卒啦，而且又人多又要排隊攞嘢食。如果你哋鍾意食海鮮嘅話，可以去食四季酒店嘅鳴詩餐廳，佢比起其他澳門酒店嘅自助餐標價算貴，埋單每位要四舊水！但時間就食足四粒鐘！都咪話我核突，食到咁上吓，人有大事辦，洗手間就喺餐廳附近，攪掂之後重可以返去重有大把時間食過！不過頭先已經講左鍾意食海鮮先好去。冷盤：龍蝦（唔係龍蝦仔！）、蟹腳、凍蝦、凍蟹、翡翠螺、扇貝，但可惜無生蠔！唉！如果唔好海鮮嘅朋友可能唔好去，因為熱食係唔多選擇。 我就喺九月食左2次，感覺係人少，無咁嘈，地方唔迫，可以放到bb車。溫馨提示：包一杯餐飲，可以選擇熱零茶，因為佢會俾一個我估可能有美美子個頭仔咁大嘅白色茶壺過你倒茶，一個人叫都俾咁大壼，大家食飽飽後可以飲杯嘢慢慢爹。正！呀！而且佢哋有供應雪糕，不過無放出嚟，要問佢攞。最後都係嗰句：鍾意食海鮮先好去呀！祝你哋同美美子澳門之旅玩得、食得盡興而歸！
November 2nd, 2009 at 10:59 pm
我只係想問下d games 係唔係玩唔到呢?
November 2nd, 2009 at 11:01 pm
http://the-sun.on.cc/cnt/lifestyle/20091101/00481_001.html
About 美美子!
November 2nd, 2009 at 11:02 pm
http://the-sun.on.cc/cnt/lifestyle/20091101/00481_001.html
About 美美子
November 3rd, 2009 at 12:08 am
Buffet, 平就新葡京, 食豪D就four seasons, selections唔多不過quality 真係好好. 澳門有一間餐廳叫退休人仕協會, 佢地既葡國菜真係好味,環境都OK, 值得一試! 不過佢D招牌通常都要早一日訂, 上OPENRICE睇下丫!
November 3rd, 2009 at 12:10 am
新葡京”自助山”, 剩係由街頭行到街尾都幾分鐘, 野食多同埋質數唔差;
想靜局d就金都, 不過唔係好就腳;
旅遊塔得個境, 野食麻麻;
星際熟食ok, 甜品把鬼.
November 3rd, 2009 at 12:58 am
H&M見到條裙我都好鍾意…不過無大人SIZE..唔係我都買左喇~~
美美子好靚女~~~
November 3rd, 2009 at 1:06 am
我見個個都係介紹”自助山”
我有一個好大的問題….
自助山唔係在賭場入面咩??
美美可以入去…??
去之前最好問一問….
November 3rd, 2009 at 1:09 am
新葡京BUFFET呀… 我早2星期去過… 都OK呀!!
November 3rd, 2009 at 9:42 am
新葡京buffet都ok/ MGM Rossio既buffet都勁多海鮮….食蟹粥…梗係去舊氹仔橋頭間峰景啦…嗰間先係正宗, 官也街嗰間, 買個名同牌返嚟架喳…不過官也街間大東食飯都幾好…西餐, 西灣美心亨利, 正!! 咖喱炒蟹一定要食…同出面既唔同, 非洲雞又好味, 仲有吉烈蝦仔, 酒煮蛽, 不能錯過…仲有媽閣間船屋囉…不過好難book位, 要提早一至兩日book就穩陣啲, 佢啲蛽, 正, 仲有就係唔知你食唔食內臟, 雞什超正…仲有好多…要更多info就email我, 係澳門咁多年, 應該都可以俾多少少information你既…
November 3rd, 2009 at 10:07 am
馬仔…我有個好強勁既 ” 澳門美食 list ” 呀…係 excel 表來的..有哂店名, 地址, 電話果d…點 send 俾你好呀 ?
November 3rd, 2009 at 10:18 am
好耐無留言啦!! 美美子好可愛又靚女呀!!! 新寵係鬆弛熊,我的最愛呀!! 美美子真係識貨!!
November 3rd, 2009 at 12:27 pm
你有十幾人，有無考慮同酒店租架車，事前plan下d行程呢？
我舊年去一行18人，兩日一夜包左架van，每人都係70蚊，
又方便，又舒服
November 3rd, 2009 at 2:47 pm
Hi ~ 我曾經响澳門工作超過3年..提供既意見希望可以幫到妳&妳family有個開心的trip.
buffet : 舊葡京~食物很好, 但唔多款式, 價錢中等
新葡京~食物好, 款勁多, 價錢偏貴, 但只能食兩小時
威斯汀~食物超good, 款多, 價錢偏貴, view勁正
四季 ~ 食物超good, 款多, 價錢勁貴, 地方夠大, service一流
觀光塔 ~ 食物no good, 款唔算多, 價錢合理, view正
葡菜唔一定食好出名果d, 西灣既阿利咖喱屋好好味 (咸豬手, 咖喱雞), view正 (望到西環橋+旅遊塔+西灣湖景), 價錢亦合理
另外路環雅憩, 葡菜亦很出色 (醉蝦, 咸豬手, 咖喱雞),但地方唔太方便帶埋bb去
氹仔熊貓亦好好味, 夠膽可以試試生牛肉沙津, 好好味. 仲有要試吓Sangria (西班呀特飲, 紅酒+生果粒), 都好味架.
November 3rd, 2009 at 4:26 pm
美美好似留馬你呀*o*!!!!!!!!!!!!!!!!!!!!!!!!!!!!!!!!!!!!!!!!!!!!!!
November 3rd, 2009 at 5:11 pm
美美子真係越來越可愛啊！
我推介澳門“頤徳行”的豆腐花，在同善堂附近。不過未必適合十幾人那麽多，因爲比較舊式和小的店鋪。
有緣可一試。
哈哈
November 3rd, 2009 at 6:00 pm
我都讚成去觀光塔0既View360食buffet,都幾好食架…仲有靚景睇….不過記得先book位呀!!!!!! ^^
November 3rd, 2009 at 6:38 pm
哇!咁大個架la?!
好cute ar…!
大個一定行靚女路線 xd
November 3rd, 2009 at 6:44 pm
自助山係響賭場入面的=)入到咖….
November 3rd, 2009 at 6:45 pm
自助山係”唔”響賭場入面的=)入到咖….
November 3rd, 2009 at 7:11 pm
我係澳門人,等我介紹個鮮為人知ge方比你啦~而且味道唔錯ga~
望廈山旅遊學院教學餐廳,個度的菜色有葡國菜,西班牙菜等等~個景仲好靚~因為可以望度澳門北區ge景,而且service一流~我都係個度ge學生,價錢公道~
http://www.ift.edu.mo/restaurant/eng/index.htm
November 3rd, 2009 at 7:30 pm
我係澳門人,等我介紹個鮮為人知ge方比你啦~而且味道唔錯ga~
望廈山旅遊學院教學餐廳,個度的菜色有葡國菜,西班牙菜等等~個景仲好靚~因為可以望度澳門北區ge景,而且service一流~我都係個度ge學生,價錢公道~
http://www.ift.edu.mo/restaurant/eng/index.htm
November 3rd, 2009 at 8:35 pm
美美子紥辮果張勁得意!;)
真系好似怪獸公司個細路女~!
November 3rd, 2009 at 9:03 pm
凱旋門呀! 都幾好食! 一係就四季, 唔係就新濠天地!
November 3rd, 2009 at 9:13 pm
馬仔,我希望你會整個官心計既馬仔wallpaper
November 3rd, 2009 at 9:38 pm
吉吉島有你鍾意o個隻鴨鴨ge床笠被袋呀!
November 3rd, 2009 at 11:07 pm
美美子紮左辮真係大個女左好多BOR!
不過點解今次D相影到佢好攰咁gei?
November 4th, 2009 at 4:09 pm
我係澳門人
好多澳門人食海鮮都係去大陸灣仔海鮮街~
筷子基新濠仔抵食夾大碟
營地街市附近有間踎街羊腩大排檔好好食, 夜D好多人
November 4th, 2009 at 4:11 pm
水蟹粥一般澳門人都係去錦繡 OR 一哥水蟹粥
November 4th, 2009 at 6:52 pm
嘩…卡樂B同美美子真係越大越靚呀….HEE…
得閒記住POST佢地既相呀….>_<
去澳門
我次次都去氹仔官也街既「誠昌飯店」
水蟹粥同鯪魚球都好好味
係官也街既橫街
仲有一間叫「亞馬交餐廳」既葡國菜
小店格局…應該好好味..OPEN RICE既指數非常高
November 4th, 2009 at 10:05 pm
呀!!!!!!!!!!!!!!!!!!!!!
原來美美子也愛鬆弛熊!
我都愛呀!
November 5th, 2009 at 9:22 am
新葡京個BUFFET好正，環境又好!(要BOOK位GA!)
November 5th, 2009 at 5:48 pm
蟹粥?一定係官也街果間誠昌(?)
哈哈sorry exact名唔記得不過咁上下啦
真係好正架!!!
buffet呢就venetian入面間渢竹啦!!!
我上年暑假係百幾蚊一個…抵食呀!!!
November 5th, 2009 at 10:30 pm
Venetian 入面間渢竹把鬼~ 千萬不要去吃….
Buffet我會介紹新葡京自助山…算多野食…又唔洗經賭場有獨立電梯上去…不過…一定一定一定要去訂位!!!
如果要試豬扒包, 千萬不要去大利來記!!!
水蟹粥去黑沙環一哥美食啦
November 6th, 2009 at 11:02 am
一定要去澳門新葡京的自助山呀,分兩場,好似係1830-2030,2030-2230
入面有好多野食,都好o岩食,
而且又有日本鐵板燒,有芝士長腳蟹!天婦羅!好味道!
二百幾蚊,抵食過其他大酒店的buffet!
另外,可以去氹仔的新好利食豬扒包,燕窩撻,鮮奶撻同蛋撻,好好味架!
好味過附過好出名的豬扒名店!
你幾時過黎呀??
我等出街黎下撞唔撞到你,好想見下美美子,hehe….
November 6th, 2009 at 2:39 pm
係, 澳門絕對係煙霧迷漫, 反而係條街無乜人食煙, 但係有得坐/等之室內地方都有好多人食煙, 連搭”立”都有人食.
November 9th, 2009 at 11:39 am
千祈唔好去誠昌飯店
我重陽先去完, 把鬼x1000000000000000000000000000000
所謂蟹膏一d味都無, 唔甘香, 仲超多蚊蠅不停係度飛!!!
November 10th, 2009 at 1:35 pm
我住澳門ga~想食水蟹粥ga話就要去黑沙環龍園附近有間叫一哥水蟹粥…哥到d几好味架~
再唔係仲有係台山叫水佬榮..都唔錯~
November 10th, 2009 at 2:19 pm
馬仔,提意可以試下新益飯店,果度個葡國咖喱雞包我超鐘意食!!!仲有好多特色餸,芝士火腿夾豬扒,…
仲有,我係澳門做酒店ga,如果你需要訂房須要幫手,就話我知la,俾返個”電視框”你
November 10th, 2009 at 11:46 pm
澳門美食何其多!! 介紹黑沙環林記，食燒烤…..個羊架正到爆；仲有氹仔官也街露素餐廳，食葡菜，個墨魚汁 pizza 都幾特別架
November 13th, 2009 at 9:42 pm
馬仔,,
其實澳門有條街叫”官也街”的說xDD
那兒有很多甜品吃的;;]
街口走過一點兒,,
會見到一間”譚家翅”的店子,,
那兒的翅好吃得很^_^